Txopoeta
XIX. mendean dokumentatuta agertzeaz gainera, Mikeldi auzoko jendeak Txopueta erabili izan du ahoz antzinatik, ingurua txopoz josita baitzegoen. XX. mende hasieratik hainbat etxe dotore eraiki zituzten (Uribasterrak, Unamunzagak, Azkoagak…) eta 1973an gaur eguneko etxe-orratzak altxatutakoan, orduko etxegileek Parque de Mendizabal izena asmatu zuten; udalak, berriz, San Ignazio auzunea. Dena den, zorionez, auzoan bertan topatu dezakegu betiko toponimoa gorde duen denda bat, Pablo Areitiorena.
Toponimoa: Txopoeta, Txopoetabaso
