Munalarrineta
Jakin dakigu Durangoko herexeak bertan erre zituztena, eta XV eta XVI. mendeetako dokumentuetan (-l-) albokari eta (-n-) sudurkariaren arteko txandaketa erabatekoa dela: Unanarrieta, Vlalarryneta, Vlanarrineta, Vnalarrineta... Horretaz gainera, XIX. gizaldiko Jabetza Erregistroan inguru bereko Ulibarrineta eta Muna-arrieta irakur daitezke. Ondorioz, ahozko lekukotasunik gabe, eta lehenengoa Uribarri toponimoarekin nahastu dela ziurtzat emanda, bigarrenaren lehen osagaia (Muna-) antzinakoaren bilakaera naturala dela berretsi daiteke (bizkaieraz soroak banatzeko aldapatxoari deituko litzaioke horrela) eta horrelaxe normalizatu da.
Toponimoa: Munalarrineta, Munalarrinetabide
