Artzetaungana
Tontorra Mañaria udalerrian dago, bai, baina Durangoko mugarrietatik hurbil. XX. gizaldiko mendi liburuetan-eta, modu askotara idatzi dute: Artxetagan(a), Artatzagan(a), Artzetagan(a)... Baina XVII. mendetik oso zehaztuta topatu daitezke osagaiak, hots, Arçetaun-, Arcetaun- edo Arzetaun- alde batetik, eta –gana bestetik (ez –gan, ez –gane). Horrexegatik aldatu du Durangoko Udalak, 2011 urtean, Txibitena auzune alboko kalearen izena; aurrerantzean: Artzetaungana kalea.
Toponimoa: Artzetaungana, Artzetaungana kalea
