Albisteak

Liburu eta disko azokak "krisiari eutsi" diola dio Gerediaga Elkarteak

2010-01-27

Gerediaga Elkarteak nabarmendu duenez, igaro berri den 44. Euskal Liburu eta Disko Azokak “krisiari eutsi” dio eta inoiz baino ekitaldi gehiago eskaini ditu. Erakustazokak 292 stand bildu ditu aurten; 156 argitaletxek, diskoetxek eta bestelakok hartu dute parte.

Gainera, ekitaldi ugari izan dira Elkartegian, Haur Literatura Aretoan, Aurkezpen Aretoan eta Ahotsenean. Antolatzaileek Ahotsenea nabarmendu dute, izan ere “sortzaileentzat gune berezia lortu da, eta liburu aurkezpenak, kontzertuak eta poesia errezitaldiak hurbiletik hartzeko aukera eskaintzen du”.

Aurtengo gonbidatu nagusia kultura katalana izan da eta Institut Ramon Llull-eko kideek aurrerantzean bertan izateko borondatea adierazi dute. Gainera, Espay Catalunya Topalekuak 2010eko saria Gerediaga Elkarteari emango dio kultura katalana zabaltzen laguntzeagatik.

Euskaraz bizi

	Literatura eta zinema

• atzera