Albisteak

Durangaldeko Bertsolari Txapelketa martxan da

2010-05-05

Durangaldeko Bertsolari Txapelketa apirilaren 23an hasi zen Mallabiko Izar Gorri elkartean eta Miren Amuriza (Berriz) izan zen txapelduna 201,5 punturekin. Garaipenari esker Amurizak finalerako txartela eskuratu zuen.

Hurrengo saioa, apirilaren 30ean jokatu zen Iurretako Oromiño auzoan eta bertan bertsolari hauek lehiatu ziren: Eneko Abasolo (Iurreta), Eñaut Uruburu (Abadiño), Ander Salaberria (Durango), Ander Aldazabal (Zornotza), Jon Ander Urkiaga (Zornotza) eta Gorka Lazkano (Berriz). Eneko Abasolo nagusitu zen (191,5 puntu), Eñaut Urubururen (175,5 puntu) aurretik. Biak izango dira finalean.

Beraz, jada erabakita dago maiatzaren 29an Berrizen jokatuko den finalean nortzuk abestuko duten: Miren Amurizak, Eneko Abasolok, Beñat Ugartetxeak, Eñaut Uruburuk, Gorka Lazkanok eta Julen Soraluzek.

• atzera