Albisteak

Bilboaldea sailkatu da Bertsolari Gazteen XVIII. BBK Sariketako finalaurrekorako Durangon jokatutako kanporaketan

2010-03-12

Martxoaren 3an hasi zen Igorreko Lasarte kultur aretoan Bertsolari Gazteen XVIII. BBK Sariketa. Edizio berrian, zazpi eskualdetako (Arratia, Busturialdea, Durangaldea, Bilboaldea, Lea-Artibai, Enkarterri eta Ipar Uribe) 50 bertsolari inguruk hartu dute parte. Sariketa bi adin mailatan banatuta dago: 18 urtetik beherakoak eta 19-24 urte bitartekoak.

Bertso saio guztiak, finala izan ezik, ikastetxe eta institutuetan izango dira eskola orduetan. Martxoaren 9an, Durangoko Institutuan, Bilboaldeko eta Durangaldeako taldeen norgehiagoka izan zen, eta Bilboaldeko taldea izan zen irabazlea. Bi finalaurreko izango dira, lehenengoa hilaren 16an Derion jokatuko dute Ipar Uribek eta Busturialdeak eta bigarrengoa, hilaren 17an Zallan Bilboaldeak eta Lea Artibaik.

Finala, berriz, martxoaren 26an izango da 19:00etan Bilboko Kafe Antzokian. Bestalde, Ipar Uribe eskualdeko taldea, iazko txapelduna, zuzenean finalaurrekora pasako da kanporaketarik jokatu gabe.

• atzera